महोत्तरी, असोज २४ गते ।
महोत्तरीको ऐतिहासिक मटिहानी बजारस्थित दुर्गा मन्दिरमा बडादशैं तथा दुर्गा पूजाको अवसरमा तयारी तीव्र पारिएको छ । दशैं अवधिभर भव्य रूपमा मनाइने दुर्गा पूजालाई लक्षित गरी मन्दिर परिसर तथा बजार क्षेत्रमा आकर्षक पण्डाल र सजावट निर्माणको काम भइरहेको छ।
मटिहानीमा दसैँका नौ दिनसम्म दुर्गा भवानीको विशेष पूजा, पाठ र आराधना भव्यताका साथ गर्ने परम्परा रहँदै आएको छ। पूजालाई मर्यादित, व्यवस्थित र भव्य बनाउनका लागि स्थानीय मटिहानी नगरपालिकाले पनि विशेष सहयोग र समन्वय गर्दै आएको छ।
दशैं सुरु भएसँगै पूजा अर्चना र भव्य सजावट अवलोकनका लागि मटिहानीमा स्थानीयका साथै छिमेकी गाउँ तथा भारतीय सीमावर्ती क्षेत्रका श्रद्धालुहरूको समेत ठूलो घुइँचो लाग्ने गर्दछ।
