काठमाडौँ, कार्तिक २३ गते ।
नेपाली बक्स अफिसको गत साताको रिपोर्ट सार्बजनिक भएको छ ।
चलचित्र विकास बोर्डले सार्वजनिक गरेको कार्तिक २२ गते आइतबारसम्मको चलचित्र ‘गौथली’, ‘कबड्डी ५ स् फाइनल’, ‘पेन्सन पट्टा’, ‘आ बाट आमा २’, ‘बा स् एक योद्धा’, ‘छ माया छपक्कै २’ र ‘१२ गाउँ २’ को बक्स अफिस रिपोर्ट सार्बजनिक गरेको हो ।
जसअनुसार साउन १ गतेदेखि प्रदर्शन भएको ‘गौंथली’ ले ९ लाख ५३ हजार ८१७ टिकट बिक्री गर्दै २६ करोड २७ लाख ४९ हजार आम्दानी गरेको छ ।
त्यस्तै, कार्तिक ६ गतेबाट प्रदर्शनमा आएको ‘कबड्डी ५ स् आफ्टर द फाइनल’ ले ४ लाख ५ हजार ८८४ टिकट बिक्रीबाट १२ करोड ३९ लाख ९२ हजार आम्दानी गरेको छ । त्यस्तै भदौ २६ गतेदेखि प्रदर्शनमा आएको चलचित्र ‘पेन्सन पट्टा’ ले ३ लाख ६४ हजार ११ टिकट बिक्री गर्दै १० करोड ३३ लाख ७४ हजार आम्दानी गरेको विवरणमा उल्लेख छ ।
त्यसैगरी असोज ३० गतेबाट प्रदर्शनमा आएको चलचित्र ‘आ बाट आमा २’ ले २ लाख ३७ हजार ३०७ टिकट बिक्रीबाट ६ करोड ८१ लाख ७ हजार आम्दानी गरेको छ । यस्तै, असोज ९ गतेदेखि नै प्रदर्शनमा आएको चलचित्र ‘बा स् एक योद्धा’ले १ लाख २७ हजार ८७३ टिकट बिक्री गर्दै ३ करोड ५६ लाख ८ हजार कमाएको छ ।
यसैगरी, असोज ३१ गतेबाट प्रदर्शनमा आएको चलचित्र ‘छ माया छपक्कै २’ ले एक लाख ६ हजार ६४४ टिकट बिक्रीबाट ३ करोड ४२ लाख २५ हजार आम्दानी गरेको छ भने असोज ३० गतेबाट प्रदर्शनमा आएको चलचित्र ‘१२ गाउँ २’ ले भने ७५ हजार ५४० टिकट बिक्री गर्दै २ करोड ३१ लाख ४० हजार आम्दानी गरेको छ । एभरेष्ट न्यूज एजेन्सी
