गौशाला, कार्तिक १६ गते ।
नेकपा एकीकृत समाजवादी पार्टीको एउटा समूह पुरानै पार्टी एमालेमा फर्किने गरी संवादमा जुटेका छन् ।
झलनाथ खनाल र घनश्याम भूसाल लगायतका नेताहरूले पार्टी पुनर्गठनको कुरा गरिरहे पनि केही नेताहरू अब यसरी अल्झिन नहुने भन्दै एमालेसँग सम्भावना छ ।
‘अहिले एकीकृत समाजवादी पार्टी विघटन भइसकेको छैन । १९ गते पार्टी एकताको घोषणा सुनिएको छ । त्यसपछि हामी के गर्ने भन्ने विभिन्न समूहमा छलफल भइरहेको छ’ नेता रामकुमारी झाँक्रीले भनिन् ।
उनले अहिले नै एमालेमा जाने सम्भावनाबारे केही बोलिनन् । तर पार्टीका अन्य नेताहरूका अनुसार झाँक्री सहितका नेताहरू एमालेमा नै जाने तयारीमा छन् ।
‘हामी माओवादीमा नजाने भएपछि यो बीचमा अल्झनु हुन्न भन्ने पक्षमा छौं,’ निवर्तमान सांसद समेत रहेका नेता किसान श्रेष्ठले भने,’१९ गते पछि हामी निर्णयमा पुग्छौं ।’
उनले एमालेबाट पनि आह्वान भएकाले त्यतातर्फ जाने सम्भावना रहेको संकेत गरे । उनका अनुसार अहिले को को कता लाग्ने भन्ने अन्तिम टुंगो नभएको बताए ।
