काठमाडौं, साउन २१ गते ।
सरकारले नेपाल नर्सिङ काउन्सिलको अध्यक्षमा सकुन्तला प्रजापतिलाई नियुक्त गरेको छ । स्वास्थ्य मन्त्रालयको मन्त्रीस्तरीय निर्णयले प्रजापतिलाई अध्यक्षको जिम्मेवारी दिएको हो ।
यस्तै, काउन्सिलको उपाध्यक्षमा बिमलाकुमारी साह र रजिस्ट्रारमा पार्वती विष्टलाई नियुक्त गरिएको छ ।
नवनियुक्त अध्यक्ष, उपाध्यक्ष र रजिस्ट्रारलाई बिहीबार स्वास्थ्य तथा खाद्य स्वच्छतामन्त्री निशा मेहतासमक्ष पद तथा गोपनीयताको शपथ ग्रहण पनि गरिसकेका छन् ।
शपथग्रहणसँगै उनीहरूले नेपाल नर्सिङ काउन्सिलको जिम्मेवारी औपचारिक रूपमा सम्हालेका छन् ।
