काठमाडौं, असोज ११ गते ।
चितवनस्थित नारायणी नदीमा राखिएको क्रुजसिप नै बाढीले बगाएपछि पूर्व–पश्चिम राजमार्ग बन्द गरिएको छ ।
नदीले बगाएको क्रुजसिप बगेर पुलको पिलरमा आएर अड्किएको छ ।
पुलको पिलरमा क्रजुसिपले धक्का दिएपछि अहिले नारायणी नदी वारपार भएर आवतजावत गर्ने सवारी साधनहरू बन्द गरिएको छ । यो सँगै पूर्व–पश्चिम राजमार्ग पनि बन्द भएको हो ।
एसपी रामेश्वर पौडेलका अनुसार, केहीबेरदेखि पुलमा सवारी आवतजावत बन्द गरिएको हो ।
‘पुलको गैंडाकोटपट्टिको पिल्लरमा अड्किएर बसेको छ । पानीको सतह बढ्दैछ, जोखिम पनि बढ्दैछ,’ उनले भने ।
उनले पानीको बहाब बढिरहेको पनि जानकारी दिए ।
