ट्रकमा ३१९ केजी लागुऔषध चरेश बोकेका चालक पक्राउ
वीरगञ्ज, असार १२ गते ।
पर्सा प्रहरीले काठमाडौँबाट वीरगञ्जतर्फ आउदै गरेको प्रदेश २–०३००१ ख ६३४८ नम्बरको मालवाहक ट्रलाई लागु औषध चरेशसहित पक्राउ गरेको छ ।
विशेष सुचनाका अधारमा पर्साको प्रहरी चौकी सिर्सिया पर्साका कार्यालयले वीरगञ्ज महानगर(२१ परवानीपुर चोकबाट ट्रकसहित चालक बुद्धि बहादुर स्याङ्तानलाई नियन्त्रणमा लिएको थियो ।
ट्रकमा लागु औषध चरेश १३ पोकामा ३१९ केजी फेला परेको छ भने चालक स्याङ्तानबाट एक लाख ९२ हजार नगद, मालबाहक ट्रक र बरामद लागु औषध चरेशसहित नियन्त्रणमा लिएको छ ।
प्रहरीले पर्सा जिल्ला अदालतबाट पाँच म्याद थप अनुमति लिइ थप अनुसन्धान गरिएको जानकारी दिएको छ । एभरेष्ट न्यूज एजेन्सी
