गौशाला, भदौ २६ गते ।
रौतहटको गौर कारागारबाट मंगलबार राति फरार भएका कैदीहरूमध्ये १३ जनालाई भारतीय प्रहरीले नियन्त्रणमा लिएको छ ।
कारागार फुटाएर भारततर्फ भाग्ने क्रममा भारतीय सीमामा तैनाथ एसएसबी र भारतीय प्रहरीले उनीहरूलाई नियन्त्रणमा लिएको हो ।
भारत बैरगनिया थानाका प्रभारी उमाशंकर रजकले भने, नेपालबाट भारततर्फ भाग्दै गरेको अवस्थामा पक्राउ परेका विवेक मिश्र भारतकै बैरगनिया क्षेत्रकै एक हत्या प्रकरणका फरार अभियुक्त हुन्। उनलाई सीतामढी न्यायिक हिरासतमा पठाइएको छ भने बाँकी १२ कैदीलाई भारतीय प्रहरीले नियन्त्रणमा राखेको छ।’
उनले थपे, भारतीय उच्च अधिकारीहरूको निर्देशनपछि काउन्टरपार्टसँगको समन्वयमा कानूनी प्रक्रिया अगाडि बढाइनेछ।’
