काठमाडौं, असार २३ गते ।
ललितपुरको चोभारभन्ज्याङस्थित ढुंगाको ओडारमा फसेका दुई जनाको उद्धार भएको छ।
सोमबार ललितपुर महानगरपालिका–१८ चोभारभन्ज्याङस्थित पुलको तल ढुंगाको ओडार भित्र महिला र पुरूष फसेका हुन्।
उनीहरू अड्किएर बसेको भन्ने सूचना पछि प्रहरीको टोली खटिएको थियो।
प्रहरी प्रभाग बुंगमती, सशस्त्र प्रहरी बल र स्थानीय प्रहरीको सहयोगमा उनीहरूको उद्धार गरिएको प्रहरीले जनाएको छ।
