काठमाडौं, भदौ ८ गते ।
डा। सीके राउत नेतृत्वको जनमत पार्टीले दोस्रो महाधिवेशन आगामी महिना असोजमा गर्ने भएको छ । असोज ९ र १० गते दोस्रो महाधिवेशन हुने भएको छ ।
सोमबार बसेको सचिवालय बैठकले भदौ २१ गतेसम्म वडा तथा पालिका गरिसक्ने कार्यतालिका बनाइएको छ ।
यस्तै, भदौ मसान्तसम्म कायम रहेका सबै सदस्यको क्रियाशील सदस्यता कायम गर्ने निर्णय गरिएको छ । निश्चित रकम बुझाएर सदस्यता नवीकरण भएकाहरूबाट मात्रै महाधिवेशन प्रतिनिधि बन्न र उम्मेदवार हुनसक्ने भएकाले शुल्क बुझाएर नवीकरण गर्न पार्टी कार्यकर्तालाई आग्रह गरिएको छ ।
महाधिवेशनबारे थप निर्णय गर्न भदौ २२ गतेका लागि सचिवालयको बैठक बोलाइएको छ ।
