काठमाडौं, भदौ ८ गते ।
प्रतिनिधि सभाले चारवटा महत्त्वपूर्ण विधेयकहरूलाई दफावार छलफलका लागि सम्बन्धित संसदीय समितिमा पठाएको छ।
सोमबार बसेको सभाको बैठकले विधेयकहरूमाथि प्राप्त संशोधन र सैद्धान्तिक छलफल सम्पन्न गरेपछि तिनलाई विषयगत समितिमा पठाउने प्रस्तावहरू स्वीकृत गरेको हो।
दफावार छलफलका लागि समितिमा पठाइएका विधेयकहरू र तिनका प्रस्तावक यसप्रकार छन्ः
संवैधानिक निकायका पदाधिकारीहरूको पारिश्रमिक, सेवाको सर्त र सुविधा सम्बन्धी (पहिलो संशोधन) विधेयक, २०८३ स् प्रधानमन्त्री बालेन शाहको तर्फबाट अर्थमन्त्री डा. स्वर्णिम वाग्लेद्वारा प्रस्तुत।
राहदानी (पहिलो संशोधन) विधेयक, २०८३ : परराष्ट्रमन्त्री शिशिर खनालद्वारा प्रस्तुत।
मानव बेचबिखन तथा ओसारपसार (नियन्त्रण) (पहिलो संशोधन) विधेयक, २०८३ : महिला, बालबालिका, ज्येष्ठ नागरिक तथा सामाजिक सुरक्षा मन्त्री सीता वादीद्वारा प्रस्तुत।
खानी तथा खनिज पदार्थ विधेयक, २०८३ : उद्योग, वाणिज्य तथा आपूर्ति मन्त्री गौरी कुमारीद्वारा प्रस्तुत।
सम्बन्धित मन्त्रीहरूले सभामा प्रस्तुत गरेका यी सबै प्रस्तावलाई प्रतिनिधि सभाले सर्वसम्मतिले स्वीकृत गरेको हो।
अब यी चारवटै विधेयकमाथि सम्बन्धित संसदीय समितिहरूमा सांसदहरूले दर्ता गराएका संशोधन प्रस्तावहरूसहित विस्तृत रूपमा दफावार छलफल अगाडि बढ्नेछ।
