काठमाडौं, भदौ १० गते ।
रसुवा बाढीबाट घाइते भएका २९ जनाको हेलिकप्टरमार्फत उद्धार गरिएको छ ।
नेपाली सेनाका अनुसार अहिलेसम्म २९ जनालाई हवाई उद्धार गरिएको हो । उद्धारका लागि नेपाली सेनाका मात्रै ६ वटा हेलिकप्टर परिचालन भएका छन् । थप २ हेलिकप्टर पनि उद्धारका लागि जाने क्रममा रहेको सैनिक मुख्यालय जंगीअड्डाले बताएको छ ।
उद्धार कार्यलाई थप सहजता गर्न भन्दै ३ वटा ड्रोन पनि परिचालन गरिएको छ ।
