काठमाडौं, असोज ६ गते ।
बढुवा भएका सैनिक अधिकारीलाई दर्ज्यानी चिह्न प्रदान गरिएको छ ।
३१ भदौमा सहायक रथीबाट उपरथीमा बढुवा भएका सोवेन्द्र सिंह महत र प्रकाश थापालाई प्रधानसेनाति अशोकराज सिग्देलले सैनिक मुख्यालय जंगी अड्डामा दर्ज्यानी चिह्न प्रदान गरे ।
त्यस्तै महासेनानीबाट सहायक रथीमा बढुवा भएका मदन जंग राणा र प्राविधिक महासेनानीबाट सहायक रथीमा बढुवा भएका भरतलाल श्रेष्ठलाई दर्ज्यानी चिह्न प्रदान गरिएको छ ।
