काठमाडौँ, भदौ २७ गते ।
काठमाडौँ उपत्यकामा लगाइएको कर्फ्यु र निषेधाज्ञा खुलेसँगै अत्यावश्यक कामका लागि घरबाहिर निस्किएका सर्वसाधारणको पेट्रोल पम्पमा लामो लाइन देखिएको छ। शुक्रबार बिहानैदेखि सवारी साधनले गर्दा पम्पहरूमा भिडभाड बढेको छ।
बालाजु, सामाखुसी, नयाँबजार, सोह्रखुट्टे, वनस्थली, लोकन्थली र जडीबुटीलगायतका क्षेत्रमा रहेका पेट्रोल पम्पहरूमा सवारी चालकहरू इन्धन भर्नका लागि लामबद्ध भएका थिए। उपत्यकाभरि केही पम्पहरू खुल्ला रहे पनि केही भने अझै बन्द अवस्थामा छन्। यसले गर्दा इन्धन भर्ने सवारी साधनको सङ्ख्या बढेको हो।
