काठमाडौं, भदौ १६ गते ।
बलिउड अभिनेता सोनु सुद नेपाल आएका छन् ।
गत भदौ १० गते नेपालमा आएको विनाशकारी बाढीबाट प्रभावित भएका नागरिकहरूलाई राहत सामग्री लिएर उनी मङ्गलबार काठमाडौँ आइपुगेका हुन् ।
उनले बाढी लगत्तै सामाजिक सञ्जालमार्फत पनि दुःख व्यक्त गरेका थिए ।
अभिनेता सोनु सुदले सामाजिक सञ्जालमा नेपाली नागरिकको घाउमा मलम लगाउने वाचा गर्दै लेखेका थिए, ‘नेपाल, तिमी एक्लो छैनौँ। हामी खाना, आश्रय र पुनर्निर्माणका लागि आवश्यक शक्ति बोकेर आउँदै छौं ।’
