काठमाडौं, असोज १ गते ।
नेपालमा पर्यटकले गर्ने खर्च सामान्य बढेको छ ।
नेपाल राष्ट्र बैंकका अनुसार साउन २०८३ मा भ्रमण आय ५ अर्ब ४३ करोड छ । गत वर्ष साउनमा ५ अर्ब ४१ करोड सेवा आय थियो । यस वर्ष भ्रमण व्यय २६.६ प्रतिशतले गिरावट आएको छ । यसो हुनुमा शिक्षाका लागि विदेशिने रकम कम हुनु हो ।
साउनमा १५ अर्ब ९२ करोड रुपैयाँ बराबर भ्रमण व्यय भएको छ । शिक्षामा १० अर्ब ८० करोड व्यय छ । गत आव सोही अवधिमा भ्रमण व्यय २१ अर्ब ७० करोड रहेकोमा शिक्षातर्फको व्यय १४ अर्ब ३१ करोड थियो ।
भ्रमण आयको तुलनामा व्यय माथि हुँदा सेवा खाता भने घाटामा छ । यस्तो खाता १० अर्ब ८२ करोड छ । अघिल्लो वर्ष सोही अवधिमा खुद सेवा आय १३ अर्ब २४ करोडले घाटामा थियो ।
