काठमाडौँ, असार १० गते ।
अमेरिकी राष्ट्रपति डोनाल्ड ट्रम्पले इरान–इजरायलबीचको युद्ध विरामको समय शुरु भएको भन्दै यसलाई उलंघन नगर्न दुवै देशलाई आग्रह गरेका छन् ।
सामाजिक सञ्जालमा लेख्दै ट्रम्पले भनेका छन्– ‘युद्धविराम अब प्रभावकारी भएको छ। कृपया यसको उल्लङ्घन नगर्नुहोला ।’
यसअघि ट्रम्पले नै इरान र इजरायलबीच युद्ध विराम भएको घोषणा गरेका थिए ।
युद्धविरामको सहमतिपछि पनि दुवै देशले एकअर्काविरुद्ध आक्रमण गरेका थिए । इरानले गरेको पछिल्लो आक्रमणमा ४ इजरायलीको मिर्त्यु भएको र १२ भन्दा बढी घाइते भएको बताइएको छ ।
इजरायलमा आक्रमण पछि, इरानले अब युद्धविरामको घोषणा गरेको छ । इरानले अन्तिम मिसाइल आक्रमण पूरा गरेको जनाएको छ । एभरेष्ट न्यूज एजेन्सी
